Joan de astelehenean, otsailaren 6an, DBHko 3. Mailako ikasleak Campos Eliseos antzokian izan dira eta Lazarillo de Tormes eleberriaren antzerki-egokitzapenaz gozatu dute. Jarduera IGEaren laguntzarekin antolatu zen, zeinak Geu Unamunoko kideen sarrera finantzatu zuen. Ekitaldia oso interesgarria izan zen, eta ikasleek asko gozatu zuten antzerkiaz.
Pasa den asteazkenean, otsailak 1, Batxilergoko 2. mailako Ekonomia ikasleek Elorrion dagoen Eroskik daukan plataforma bisitatu zuten. Bertan, produktu galkorrak nola kudeatzen diren nola sartu eta nola irteten eta nola gordetzen diren, besteak beste, ikusteko aukera izan zuten.
GEU Unamuno elkareteak babestu du ekimen hori, IGEko ikasleen sarrerak finantzatu ditu. Elkartekide izan nahi baduzu, informazio gehiago eska dezakezu esteka honetan: [galdetu]
Zure seme-alabak hezteko erronkaren aurrean gakoak eta baliabideak aurkitu nahi dituzu? Otsailaren 14an institutuan hasiko den “Guraso Eskola” ren edizio berrian parte hartzera gonbidatzen zaitugu. Topaketa hauek informazio eta prestakuntza gunea dira, hor arlo ezberdinetako adituek familiei seme-alaben hezkuntza prozesuan orientatzen eta laguntzen saiatzen diren. Doako programa da eta nahieran egina, hau da, talde bakoitzaren beharretara egokitua.
Hauek dira horietan lantzen diren gaietako batzuk: hezkuntza-ereduak, arauak eta mugak, hezkuntza emozionala, familiako komunikazioa, gatazken konponketa, jazarpena, sexu-hezkuntza, teknologia berriak, ikasteko ohiturak, elikadura eta nutrizioa, kontsumo problematikoen prebentzioa…
“Gurasoen Eskola”k Bizkaiko hainbat eskola eta institututan gauzatzen dira, eta balorazio bikaina jasotzen dituzte beren kalitateagatik eta berrikuntzagatik, bai gurasoen aldetik, bai irakasleen aldetik; BIGEk antolatzen dituu eta Bilboko Udaleko Osasun Arloak diruz laguntzen du.
Lehenengo hitzordua hau izango da:
Eguna: otsailak 14, asteartea
Ordua: 17:30
Tokia: Batzar aretoa (Unamuno BHI)
Urtarrilaren 26an, Madrilgo Miguel Catalán de Coslada Institutuko lagun talde bat etorri zitzaigun, “Círculo de diálogo” proiektua bertatik bertara ezagutzeko aukera izan genezan. Praktika “errestauratiboa” da, Madrilgo zentro horretan aspalditik praktikatzen ari diren ikastetxeko eta ikasgelako harremanen kalitatea hobetzeko. “Miguelen artean” izenburua jarri diote topaketari, eta GEU Unamunok ekimena babestu egin du.
Bi ikastetxeetako ikasleek, irakasleek eta familiek elkarbizitzarako hainbat jarduera jarri genituen abian, eta horien bidez erakutsi ziguten nola funtzionatzen duten “zirkulu” horiek eta, horien bitartez, nola hobetu dezaketen ikastetxeko bizikidetza.
Ikasturte eta adin desberdinetako familiek, irakasleek eta ikasleek proiektuan parte hartu dute (DBHko lehen mailatik Batxilergoko bigarren mailara) eta, azaldu digutenez, esperientziaren sentsazio oso positiboekin geratu dira.
Miguel Catalan Institutuko lagunei eskerrak ematea besterik ez zaigu geratzen, beren esperientzia hemen partekatzeagatik, halaber, gure ikastetxeko Zuzendaritza taldeari zorionak eman nahi diogu proposamena egiteagatik.
Topaketaren irudi gehiago ikusi nahi badituzu: [IES Unamuno]
Idatz ezazu zure helbide elektronikoa eta unean izango duzu Unamuno Guraso Elkartearen albisteen berri.
Emandako informazio pertsonala Unamuno Guraso Elkarteak kudeatuko du, hori baita webgunearen arduraduna. Eskatutako datu horien bilketa eta tratamenduaren helburua da gure albiste, ekimen eta informazio baliagarriari buruzko informazioa aldizka bidaltzea. Edukia onartzen baduzu, espresuki onartzen duzu aipatu helburuetarako zure datu pertsonalak erabiltzea. Halaber, zure informazio pertsonala kontsultatzeko, zuzentzeko, bertan behera uzteko eta baztertzeko eskubidea duzu; horretarako, bidali mezu elektronikoa geu17unamuno@gmail.com helbidera. Datuak babesteari buruzko informazio gehigarri eta xehatua duzu hemen.
© 2018 GEU Unamuno