Ikasleek ikastetxean telefono mugikorrak gaizki erabiltzen dituzte gehiegi, eta horrek ikastetxeko zuzendaritza asko kezkatzen du: erabiltzen dituzte eskoletan, argazkiak ateratzen dizkiete pertsonei beren baimenik gabe, eta buruhaustea gero eta handiagoa da. Arazoa belaunaldikoa da; izan ere, nazioarteko GKE nagusietako seik (Unicef eta Save The Children, besteak beste) berriki ohartarazi dute gure seme-alabek arriskua dutela gailu mugikorrak gaizki erabiltzeagatik.
Frantziak, Italiak edo Herbehereak debekatu egin dituzte institutuetan, eta beste herrialde batzuek neurri ezberdin batzuk hartu dituzte ere bai. Euskadin, ikastetxe bakoitzak du erantzukizuna; hori dela eta, Unamuno Institutuko zuzendaritzak OOGri proposatu dio, ikastetxeko Bizikidetza Batzordearekin koordinatuta, neurri batzuk abian jartzea, institutuko ikasleak mugikorren erabilera okerraren arriskuaz kontzientziatzeko, bai eta ikastetxean mugikorrak eskola-orduetan erabiltzea mugatuko duen protokolo bat ezartzeko ere.
Ekimen horrek duen garrantzia ikusita, monografiko bat egingo dugu horren inguruan hartuko dituzten neurriak azaltzeko. Bertan, horrekin lotutako beste gai bat jorratuko dugu; ikastetxeak jolas-orduetan jarduera berriak abian jartzeko egin nahi duen proposamena.